[ كل عام وانتم بخير ]
زفـــات كـــبـار الـــفــنـانــيــن

قــصــائــد نـــصــيــة للــزفــات 1

 

من وهج ذيك الثريا

 

من وهج ذيك الثريا دام ممشـاك الغيـوم
انزلي عالارض نور كل ما قـرّب يزيـد

القمر بيدك وتمسك طرحتك اربع نجـوم
والكواكب تكتبك يا (العروس) اجمـل قصيـد

اقبلي وانتِ جمالك كوم والعالم في كـوم
في مساءٍ لجل عينك يرفل بثـوبٍ جديـد

واشرقي مثل السعاده لا ضوت قلب الهموم
او مثل فجرٍ صباحه للخلايق يـوم عيـد

اشهد ان اليوم يسوا من غلاتك الف يـوم
كيف لا وانتِ أميرة هالمسا وانـتِ اكيـد

(العروس) اللي يغني حولها الورد ويحـوم
والعطر يعلن شذاها للأماكـن مـن بعيـد

دامك الله بالغلا والعز يـا بنـت القـروم
في حما الغالي (ابو العروس) يا عسى عمره مديد

الشهم راعي المعاني والمراجل والعـزوم
الرزين اللي بياض الوجه بأفعاله تشيـر

يا إله الكون يللي له نصلي ولـه نصـوم
احفظ القلبين واجعل بيتهم بيـتٍ سعيـد

وأسألك تسعد (العريس) بالفرح والخيـر دوم
في حنايا (بنت عمه) والغـلا دايـم يزيـد

من وهج ذيك الثريا دام ممشـاك الغيـوم
انزلي عالارض نور كل ما قـرّب يزيـد

القمر بيدك وتمسك طرحتك اربع نجـوم
والكواكب تكتبك يا (العروس)اجمـل قصيـد

 

 

  الــحــكـــاية مــقــدمــة

 

يحكى انه في يوم من الأيام ــ (اليوم الثاني من الشهر العاشر  2014) وبالتحديد في

 

(إسم القاعة)

 

ـــ سيكون يوماً  من الزمان لايوصف  ــ  ولا يفنى ذكره من رؤية الأعيان ــ

 

يقرع فية الجــرس (إضافة صوت جرس)

 

وعندها يظهر الدخان (إضافة مؤثرات رياح ورعد ......... خطوات وفتح باب)

 

بلغنا أيها الحاكم الرشيد  ذو الرأي السديد  هذا النبأ السعيد ـــ أنه في يوم من ايام العيد

 

التقى الأمير(العريس) بالأميره(العروس)

 

ذات الحسن الفريد ــ فذهب لطلب يدها وتمت الموافقة على خطوبتهما ــ وتقرر زواج

 

ألأميرين ــ بأمرٍٍ من العائلتين ــ

 

فليبارك لهما الرحمن ــ ويملأ حياتهما بالحب والحنان ــ على مدار الزمان ــ

 

وصلوا على خير الأنام ...

 

 

                            حياك ربي يا ضيا الحفل حياك                                                            

يا (اسم العروس) منتي مثل باقي الحور

قلوبنا ترقص على دقة اخــطاك

و الملـــــح كله والحــــلا فيك منثـــور

لك بســمـــة لامن بدت من شفايـاك

يجبر بها الخـاطر ليا صار مكسور

ولك ضحكة لا وخـرت عن ثنايــاك

تسحر غلا قلب ن من العام مسحـور

ولك نظرة لا صوتت للغلا جــــــاك

لو دونك جبال ومسافات وبحـــــور

اللي مدح لو قال ما قال ما اوفــــاك

واللي تكلم فيك مسكين مقهـــــــــور

و للحاســــد اللي بالغـــــرور يتبـلاك

قولي طبيعي كل مزيون مغرور

ما لــوم شعر ما كمل في مزايـــــاك

وبيت تعذر عن وصايفـك معـــذور

و (اسم العريس) اللي ينتظر يــوم لقيــاك

دقايقه ساعـــات وايامه شهـــــــور

يفرح بشوفك يا الغلا و يتحــــراك

فرحة ربيع بآخر الوسم ممطــــــور

له قلب ما يدري وش الحب لولاك

وله عين يغنيها وجودك عن النـور

يفــداك يا سيــــد المزاييــن يفــــداك

قلب تعلق فيك ما رد له شـــــــور

وجده على حطة يمينه بيمنـــــاك

وجد الضرير اللي يبي شوفة النـور

عسا (اسم العريس) يقضي العمر وياك

يا (اسم العروس) في بيت بالحب مغمور

 

 

 

ممشاها حرير

 

افرشي يا ارض ممشاها حرير

دام هذي الليله من احلى الليال

يكفي خطوة( العروس) من فوقك تسير

منهو قدك شايله كل هالجمال

 

هذي ليله ومثلها ماضن يصير

لافي واقع لا ولاحتى خيال

القمر فيها ضوى وجه الاثير

والنجوم الليله تعلن احتفال

 

يامساء الحب والحسن المثير

ابحضور اللي حوت احلى الخصال

من جمالن كمله قلب ن كبير

ومن كمال ن كمله طيب ودلال

 

مهما قال الشعر فيها مو كثير

واشهد انه ماكذب يوم انه قال

من صفاها يستحي ماي الغدير

من كثر مافيها عفه واعتدال

 

ربي يملا عمرها حب ن وخير

ويا (العريس) زوجها زين الرجال

الاصيل الغالي والبدر المنير

ياللي كمل نص دينه بالحلال

 

 

  قصيدة يعجز التعبير

 

في حضرة هالجمال اللي أمامه يعجز التعبير

          سبحت أعمق بحور الشعر واوزانه وتفعيله

طلعت ومامعي كلمـه تناسب هالملامح غير

        ياسبحان اللي صور هالحسن وابدع تفاصيله

يا(العروس) لا تلومين القصيد ان حسْ بالتقصير

           وش يزيد الثنا كله عيونن مابها حيلـــــــه

وانتي ياأعذب من الماء وضحكاتك صباح الخير

           ودلالك وين ماقبلتي ياحي ترابن يشيلـــــه

حضورك يحبس الانفاس وزينك مايبي تفسير

          لان الصمت قدام الجمال ابلغ تعاليلــــــــــــه

خلقك الله آيه من نعومه وروعة التصوير

          وميز وجهك بنورن سناهي وهج الشيلـــــه

رزينه والحياء زادك يا(العروس) حشمه وتقدير

          وظلك لا خطف عالورد من الفرحه يغنيلـــه

وأسمك من غلاة اسمك الامنه انذكر شيصير

           يطيح اللؤلؤ المنقى على الورد واكاليلـــــه

يصونك ربي ل (العريس) اللي من غلاه الكل يدعي له

           ويسعدكم الاهي عد مالبوه بالتكبــــــــــــير

 

 

مــن يــقـــول

 

مـن يــقول الشمــس ماتشبة أحــــــد            وإن الـــحلا محدن مـلكة خـــــاتم بيـديه

 

من يقول العجايب ماغير هالسبعة ابد        الخبر عند أهل العروس محــاسين الوجــية

 

وعند اهل العريس اللي تعنوا للســـعــــد    وعند الحظور لي قالوا هذا الحفل لازم نجية

 

بالمختصر عند اللي حلاها فاق وصفك يالشهد     ويـــاهلا ومـرحبا بغلى حظور نرتجية

 

جونا على الموعد والفرحة تكتمل في هالوعد         حظورنا حظوركم هذا هو اللي نبية

 

والفرحه فيكم تكتمل ياوجيه السعد        

 

  وأسمعوا هذا الخبر

 

من باب  هالصاله رح تدخل عليكم عروس

 

جمالها اخجل كل البنات

 

واختفى من زينها بدر التمام

 

وفرحتها في ....../......./ .........14

 

إسمها (.......العروس.........) وعريسها(......العريس..........)

 

وحياكم الله في زواج (.....العروس............) و(.....العريس...........)

 

 

مـن صــميــم الـقـلـب

 

من صميم القلب قلت احلى القوافي

اتفنن في حروف اروع قصيده

للعروس اللي زهت ثوب الزفافي

)اسم العروس) في حسنها صارت فريده

اسمها ( اسم العروس) والاسم كافي

كل كلمة تنكتب فيها جديدة

)اسم العروس) بالزين طلت والعفافي

شيء ما يحصى و لا نقدر نجيده

كامله ومكمله بكل الاوصافي

الذهب مازادها ..لا هي تزيده

وجهها كالبدر فيه النور صافي

زينها غير ..و ملامحها فريده

جوهرة ما مرت الا بحلم غافي

والاحلام بشوفها صارت اكيده

الحسن بوصوفها بين و خافي

ياعسى ايامها دايم سعيده

من لمحها قال يا الله يامعافي

اشهد ان الزين بك زايد رصيده

من حلاها ذابت احروف القوافي

و من يلوم الشعر لو وقف وريده

(اسم العروس) بنت (عائلة العروس) بنت الاشرافي

بنت ساس الطيب و الاريا السديدة

ومعرسنا (اسم العريس ) بين الناس وافي

بالكرم و الطيب نظراته بعيده

معدنه مثل الذهب غالي و صافي

بالفرح عمار يا ربي تزيده

يمشي دروب الشهامة ما يخافي

تشهد (اسم العريس) افعول ن اكيده

و الختام انهيت ترتيب القوافي

والتهاني زانت احروف اروع قصيدة

للعروس اللي زهت ثوب الزفافي

(اسم العروس) في حسنها صارت فريده

 

 

اعذب حروف الشعر

 

اعذب حروف الشعر و اغلى معانيه

لكل من بحضورهم شرفوني

 

 معروفكم يصعب على (العروس) توفيه

   حاولت اعبر ماقدرت اعذروني

 

 

وأمي لها اكتب نبض قلبي و اغنيه

و دمع الموادع في محاجر عيوني

 

ما انسا الغلا اللي بالمشاعر تدفيه

بدونها ما اعيش و لا تعيش دوني

 

ابوي (الأب)الغالي يرفع الراس طاريه

كريم ياقلب ن عطوف ن حنوني

 

اعيش طول العمر و انا افتخر فيه

راعي النخوه وبقالي حياتي وكوني

 

ولاخواني ابدي من ضميري خوافيه

واعطي لهم حبي مثل ما عطوني

 

(الأخ) اللي منبع الطيب بيديه

الكايدي قدام جوده تهوني

 

اخواني لانذكروا والنعم فيه

افعول كفهم بالمدايح كفوني

 

             واشكر خواتي شكر لايمكن احصييه               

 وقول هامات الشواهيج دوني

 

وابارك لشريك عمري و اهنيه

مبروك يا شمعة دروبي و عوني

 

أغلى مشاعر حب من قلبي اسقيه

باسم الغرام اللي يحرك سكوني

 

واصون له عهدي على الحب و اوفيه

و اكون دايم عند حسن الضنوني

 

لحظة و داع الغالي لشوف غاليه

حرك احاسيسي و هيض شجوني

 

وقت الوداع القلب ما هو بقاويه

ولو هو بكيف القلب ما ودعوني

 

 

قـصـيــدة (الملكة) للـشـبــكــة

 

اليوم ملكة والفرح زان طاريه  

 والليل بطلة (العروس) بالنور ضوًى

مقبلة في زين محد ن يمارية  

  ماكن أنخلق مثلها بنت حوا            

 اليوم ملكة والفرح زان طاريه    

  والليل بطلة (العروس) بالنور ضوًى

  مقبلة في زين محد ن يمارية

   ماكن أنخلق مثلها بنت حوا            

شمعة ن نورها الحسن يضويه

زهرة ن إنصينها بالذوق إيتروَى     

    قطعة حلا  ..لا....لا....  

  كل الحلا ومـنـه وفية          

كل الوصوف اللي بها الكون إيتمرًى    

 (العروس و العريس) عيال المعاضيد       

فرحتهم فرحت معشوق  مع مغلية  

فرحة ن فيها العجب بتلبيس الذهب           

سوى أجمل محبس ودبلة  في يدها من أياديه

   لمعة ن خلة ليل الظلام  إيتضوَى         

أجمل محبس ودبلة  في يدها من أياديه  

  لمعة ن خلة ليل الظلام  إيتضوَى           

ضوى أنس ومحبة والهنا كاسية    

 يوم كملوا نص دينهم بالحلال اللي تروًى         

من سحاب العز فرحه كل وصف ن يعتلية  

شموخ العز(العريس وفي العروس) بنت حوا            

باركوا ياللي حظرتوا لقمرة ن ماله شبيه  

 وباركوا ألفين وأكثر دام القمر ل (العروس) ضوَى

 وباركوا ألفين وأكثر دام القمر ل (العروس) ضوَى

 

       

     قصيدة بشروا ليل السعاده

 

بشرو ليل الســــــعاده                  بأغلى ليله في سنينه

بشروه بأحلى فرحـــه                  كل ما يقبل اوانـــــــه

ليلة(ن) من الف ليلـه                  والبدر ربي يعينــــــه

 

           لوطلع في ليله فيها (العروس) ضيع مكانه

           من محياها يكحل فجرنا جفنه         وعينه

 

وبها راهن كل صبح                   وما خسر مره رهانـه

 

           (العروس) ربي جعلها درة الحسن الثمينه

 

هالعروس اللي تسمت                   بين كل الغيد دانــــه

 

           تمشي بخطوة دلال وخطوة الثقل الرزينه

 

علمت كل الحسان بثقلها               معنى الرزانــــــــــه

وان تثنت كنها نسمه                   تداعب ياسمينـــــــه

عودها اللي لو تمايل                   غاب عود الخيزرانه

(العروس) والورد يفخر               لويشابها فلينــــــــه

 

              من نعومتها تمنى يلمس ايديها    بنانه

 

يحسد العطر بشذاها                     والزهر بينه وبينــه

يحكي عن اجمل عروس(ن)           حسنها مبهر عيانـه

وبشروا ليل السعاده                    باغلى ليله في سنينه

 

 

 

قصيدة وش هالنهار

 

وش هالنهار اللي طلع              والليل توه يالحظور

وش هالصباح اللي بدا             بالشمس والدنيا ضلام

لالا ابد ماهو نـــــــــهار            ولا صباح شــق نــور

هذي عروستنا (الـعــروس)      مقبلة والليل شــــــــام

جت بالصباح العذب واهدت       ليلها ابها حضــــــــور

جت بالنهار وكنــــــها              تمشي على هام الغمام

خطوة خجل خطوة دلع             خطوة ترف خطوة غرور

خطوه تزيد الصمت صمت         وتجعل النظره كـــــلام

هذي العروس اللي تمنت           كفها كل الزهــــــــور

واللي خذت كل الجمال              وطيبة قلوب الانـــام

من نورها كن الكواكب             حولها صارت تدور

لانتظر لنجمه ولا                    تنزل الى بدر التمام

(عروس) انسام الورود            ورقة احساس العطور

(عروس) هانهار الوداد            وبسمة اشفاه الغرام

شفافةً كن القصــــايد                حسها المرهف شعور

حتى القصيد اللي كتبها             جنبها سلهم وهــــام

(عروس) بكل الوصوف           اتفوق رباة الخـــدور

كلها دلال وطيبة ورقه              وعفه واحتشــــــــام

بنت الكرام وبنت وافيين           المعاني والشبـــــــور

والشعر فيها ماوصل               حلمة ولا حقق مرام

من نالها نال بحياته                سعد عمره والسرور

و(عريس) يبشر بالسعاد          في قربها بنت الكرام

والله يسعد هاللقاء                  دايم على مر الدهور

والله يهني عمرهم                  في كل عام وكل عام

 

 

 

بــعــد إذنـكـــم لــحــظـــة     

 

بعد إذنكم لحظة نبي نوقف الطــار               وكل الموسيقى تنقطع ثم نجيها

 

وكل الكلام ينتهي كبار وصغــــار                حتى رموز الهمس نقضي عليها

 

ونبدأالتمعن في الكواكب والأقمار                ونــعرف قمر دنيا حضرنا إليــها

 

يالله أنظروا شوفوا قمرنا إذا سار                وشوفوا سمانا أرسلت من تبيها

 

ضاعوا كواكب حفلنا كانوا إكثار            (إسم العروس)من كان الحفل يحتريها

 

ذي بنت(إسم الأب)مكرم الضيف والجار       وأخــــوها(أسم الاخ) قبيله بيديها

 

رجال ماتوقف لها صغــار وكــــبار               وكل المراجـــل تعتزي ثم يــجيها

 

هي عامرة من خالق قادر وجبـــار                وحده عطاها وأحدث الزين فيـــها

 

وجه القمر فيها سلب كل الأنظــار                والشعر الأشقر فوقها مكتسيــــها

 

بالزين تحرج جيلها بزين الأخبار              والحرف في بيوت الشعر يحتويـــها

 

(إسم العريس)إجتاز المهمه بالأصرار            وبالمجد وأفعاله قدر يشتريــــها

 

والآن زفوا (أسم العروس)زين الأقمار          وصوت الغطاريف إزهموا محدثيها

 

من داخل القاعة إلى مدخل الــــدار         ياأرض من وردك امانـــه عطيــها            

 

 

 

تــقــدمــي يالـمـهـــره الأصيل

 

تقدمي يالمهرة الأصيل عروسنا لاتهابين                كل جمال الكون ربي فيك جمّعه

 

لو أوصفك (العروس)من الزين ماتكفّين                 الحيا والزين منك وإنتي منبعه

 

أرفعي راسك ببوك وفيه العالم تحدين            بالكرم والجود(أسم الاب) بيبان مشرّعه

 

أرفعي راسك ببوك وفيه العالم تحدين            بالكرم والجود(أسم الاب) بيبان مشرّعه

 

الله وأكبر عليها (العروس)قولوا يالحاظرين           وأدري قلتوها عليها ومنّكم أسمعه

 

إسمك(العروس)بأحلى الأسامي تسمين             ياشعاع الشمس الله وأكبر مروعه

 

(العروس) رشوا لها في دربها ورود ورياحين       بنت (العائلة)وياحظ من تمشي معه

 

فدوة لعيونها كل القصايد ولوجهها الزين         والشعر والقاف كتبته عشانها وأجمعه

 

لاواهني (العريس) وانتي من جنبه تمرين             ألا وشلون وإن صرتي خليلة معه

 

بظل معرسنا(العريس) يارب تهنين                 ويحطك وسط القلب وداخل أضلعه

 

أبوها(إسم الاب) على الراس والعين            وأمها(إسم الام)لاقالت كلام الكل يسمعه

 

تقدمي يالمهره الأصيل عروسنا لاتهابين                كل جمال الكون ربي فيك جمعه

 

 

شعر ترحيب بالضيوف 

الفرح هلت مزونه مع تباشير السرور

وفاح ريحان السعاده مع عبير أزهارها

ياهلا يامرحبا مليون في كل الحضور

اسفرت يوم حضرتوا دارنا بأنورها

وهذاك ( ابو العريس) فعله بالخير دايم  مذكور

دامه معانا حجم السعاده نعجز بوصفها

يامرحبا والكل هاليوم مسرور

وأحلى الليالي زاد معكم حلاها

نفرش دروب اللي حضر ورد وزهور

وبحضوركم ليلة فرحنا تباها

حضوركم لافراحنا يشرح صدور

والنفس في قمة سعدها وهناها

ليلة فرح ليلة فرح وقدومكم زادها نور

وأنتم كمال افراحها مع ضياها

هذاي تراحيب ام ( العريس ) بأطياب البخور

والدلال مهيله فاح ريح ابهارها

وأم ( العريس ) قدمت باقات ورد مع عطور

وعبرت عن فرحة زايدن مقدارها

روض الفرح بقدوم الأحباب ممطور

أروى المشاعر بالسرور وسقاها

والورد بدروب المعازيم منثور

وزهور ترسل للحبايب شذاها

أضفى على الفرحه تباشير وسرور

شوفة حبايب زاد فينا غلاها

ونهدي التبريك باصدق أحاسيس وشعور

للعريس وللعروسه بعقب أشعارها

يا (العريس) ألف مبروك ياوافي الشبور

يابن قوم تسعد إللي نزل في دارها

ويا (العروس ) وصف المشاعر صعب والشعر معذور

وحجم السعاده وصفنا ماكفاها

وخير الكلام وكل شئ به قصور

دعوة كريم مايخيب رجاها

يجعل لهم دايم بدرب الفرح نور

ولا يجيب اللي يكدر صفاها

في عش زوجيه بالأفراح معمور

ويكفيهم شرور الحياه وشقاها

 

 

 

 

للإنـتـقـال لـبـاقـي الـقـصـايـد( 2 ) أضـغط عـلى الـرابـط

 

http://amoaag.com/zafat/page.php?id=77

 

 

 

 

 


الــقـائـــمـة الـرئــيـــسـيـة

الإهـدائات و الـطلبات

للاستفسار عن الطلب

أكتب رقم طلبك لمعرفة حالة الطلب


بحث


عدد الزوار: 413249 عدد الأقسام: 35 عدد الزفات: 2374



هذا الموقع برعاية بروزفة

ديزاين فور يو لتقنية المعلومات